Posterrerako argazkia

Atzo, Nautiko eraikinaren ondoan egin duten terraza berrian bildu ziren Donostiarrako entrenatzailea, Mendi, eta taldeak gaur egun plantillan dituen 36 arraunlariak. Haien aurrean, klubak dituen bi traineruak eta beren arraunak ere apain eta txukun kokatu zituzten.

Arrazoia? Argazkian dotore ateratzea. Izan ere, Donostiarraren 2010eko poster ofizialerako argazkia atera zuten, Donostiako kaiko leku horretan. Traineru eta arraunak, ondoan arraunlariak, eta atzean Kontxa; ez dut uste askorik egin beharko duenik argazkilariak irudi ederra lortzeko.

Aurten posterra izango dela jakitea berri pozgarria da behintzat, taldea gizartean ikusgai egiteko bide xume baina egokia baita, nire ustez.

(Argazkia: diariovasco.com)